Հնդկաստանում կրոնական փառատոնի ժամանակ հրմշտոցի հետևանքով զոհերի թիվը հասել է 35-ի
Հնդկաստանի ամենամեծ կրոնական փառատոնի ժամանակ տեղի ունեցած հրմշտոցի զոհերի թիվը հասել է 35-ի, իսկ զոհերի թիվը, ինչպես սպասվում է, կավելանա: Բացի այդ, վիրավորվել է ավելի քան 90 մարդ։
Ըստ լրատվամիջոցների՝ ուխտավորների մի մեծ խումբ փորձել է ճեղքել ոստիկանական պատնեշները՝ հասնելու սուրբ վայր, որտեղ լողանալու արարողություն էր տեղի ունենում, իսկ հետո մարդկանց հոսքը վրաերթի է ենթարկել գետի ափին քնած մարդկանց։
Հնդկաստանի վարչապետ Նարենդրա Մոդին իր տխրությունն է հայտնել տեղի ունեցածի կապակցությամբ։
«Ես իմ անկեղծ ցավակցությունն եմ հայտնում զոհվածների ընտանիքներին և աղոթում եմ վիրավորներին շուտափույթ ապաքինման համար»,- ասել է Մոդին։
Հնդկաստանի վարչապետն ասել է, որ մշտական կապի մեջ է Ուտար Պրադեշ նահանգի կառավարության հետ։
Ըստ լրատվամիջոցների՝ փառատոնին սպասվում էր մինչև 100 միլիոն ուխտավոր։ Առավոտյան ժամը 10:00-ի դրությամբ ավելի քան 36 միլիոն մարդ արդեն մասնակցել է լոգանքի սուրբ ծեսին: Միջադեպի պատճառով օրվա գլխավոր արարողությունը հետաձգվել է։ Դեպքի առթիվ հետաքննություն է սկսվել։