Հայաստանն ու Ադրբեջանը միմյանց մեղադրում են Լոնդոնում Նիկոլ Փաշինյանի և Իլհամ Ալիևի հանդիպումը խափանելու մեջ։

Հայաստանի արտաքին գործերի նախարարության հայտարարության մեջ նշվում է, որ ադրբեջանական կողմին առաջարկվել է հանդիպում Մեծ Բրիտանիայում՝ Եվրոպական քաղաքական միության գագաթնաժողովի շրջանակներում։

«Սակայն ադրբեջանական կողմը մերժել է այս առաջարկը։ Հայկական կողմի առաջարկը մնում է ուժի մեջ»,- ասված է ԱԳՆ հայտարարության մեջ՝ նշելով, որ Երևանն  Ադրբեջանին նաև առաջարկում է  ակտիվացնել ամենաբարձր մակարդակով բանակցությունները և կնքել խաղաղության պայմանագիր։

Միաժամանակ, Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիևը նշել է, որ հայկական կողմը հրաժարվում է հանդիպումից, Երևանի որոշումը շեղում է նախկին խաղաղության համաձայնագրերից։ Նրա խոսքով, հանդիպումը կայացել է բրիտանական կողմի նախաձեռնությամբ եւ նախատեսված է եղել Մյունխենի անվտանգության համաժողովի շրջանակներում։