Մայիսի 30-31-ին պաշտոնական այցով Վրաստանում է գտնվելու Հայաստանի Հանրապետության վարչապետ Նիկոլ Փաշինյանը:

Վրաստանի կառավարության վարչության մամլո ծառայության լրատվությամբ, մայիսի 30-ին 11:00-ին Վրաստանի կառավարության նստավայրում տեղի է ունենալու դիմավորման պաշտոնական արարողությունը: Հայաստանի վարչապետին հյուրընկալելու է Վրաստանի վարչապետ Գիորգի Կվիրիկաշվիլին:

Վարչապետերի դեմ առ դեմ հանդիպումից հետո, երկու երկրի կառավարության անդամների մասնակցությամբ տեղի է ունենալու ընդլայնված ձևաչափով հանդիպում:

Ժամը 12:30-ին Վրաստանի և Հայաստանի վարչապետերը հայտարարություններ են անելու մամուլի համար:

Պաշտոնական այցի շրջանակներում, Հայաստանի Հանրապետության վարչապետը հանդիպելու է Վրաստանի խորհրդարանի նախագահ Իրակլի Կոբախիձեի և Վրաստանի նախագահ Գիորգի Մարգվելաշվիլիի հետ:

Ժամը 19:15-ին, Վրաստանի և Հայաստանի վարչապետերը, Թբիլիսիի Սակրեբուլոյում ներկա են գտնվելու Հայաստանի հանրապետության անկախություն հռչակելու 100 ամյա հոբելյանին նվիրված ընդունելությանը, որից հետո Գիորգի Կվիրիկաշվիլին Նիկոլ Փաշինյանին և ՀՀ պատվիրակության անդամներին հյուրընկալելու է պաշտոնական ընթրիքին: