Հայաստանի պաշտպանության նախարարության մամուլի խոսնակ, Շուշան Ստեփանյանը հայ-ադրբեջանական սահմանին կրակոցնների վերսկսումը հաստատել է ֆեյսբուքի միջոցով:

«Երկու-երեք ժամ հանդարտությունից հետո, առավոտյան կրկին վերսկսվել են սադրիչ գործողությունները, կրակ են բացել հայկական ռազմական հենակետերի ուղղությամբ: Մեր ռազմական ուժերը տվել են համապատասխան պատասխան: Չի բացառվում, որ հակառակորդ կողմում ավելանա զոհերի թիվը»,- գրել է Ստեփանյանը:

Միևնույն ժամանակ, ըստ ՀՀ պաշտպանության նախարարության մամուլի խոսնակի, Ադրբեջան-Հայաստան սահմանին տեղի ունեցած միջադեպի ժամանակ վիրավորվել է երկու հայ ոստիկան:

Այս պահին հայկական կողմի այլ վիրավորների մասին տեղեկություններ չկան:

Հայ-ադրբեջանական սահմանին զինված դիմակայությունը սկսվել է երեկ: Ադրբեջանական կողմը հաստատում է երեք զինծառայողի մահը: հայաստանի պաշտպանության նախարարությունում ասում են, որ կորուստներ չունեն:

Միևնույն ժամանակ, Հայաստանի և Ադրբեջանի արտգործնախարարություններն այսօր հանդես են եկել հայտարարություններով, որտեղ կրակ բացելու մեջ մեղադրում են միմյանց: