Հայաստանի արտաքին գործերի նախարարություն Մարտունակ բանակ ունենալը ցանկացած երկրի ինքնիշխան իրավունքն է, Հայաստանն այլ նպատակ չունի, քան պաշտպանել իր միջազգայնորեն ճանաչված տարածքը
Մարտունակ բանակ ունենալը ցանկացած երկրի ինքնիշխան իրավունքն է, Հայաստանը պաշտպանության և անվտանգության ոլորտում այլ նպատակ չունի, բացառությամբ միջազգայնորեն ճանաչված իր տարածքի պահպանության»,- ասված է ՀՀ ԱԳՆ հայտարարության մեջ։
Հայաստանի արտաքին գործերի նախարարության հաղորդագրության համաձայն՝ բանակի բարեփոխումների գործընթացում Հայաստանի Հանրապետությունը գործում է միջազգային իրավունքի շրջանակներում։
«Հայաստանի Հանրապետության վարչապետի աշխատակազմի դիվանագիտական խողովակներով և հրապարակայնորեն արված առաջարկները սահմանային միջադեպերի և/կամ դրանց մասին տեղեկությունների հետաքննության՝ Հայաստան-Ադրբեջան համատեղ մեխանիզմ ստեղծելու մասին՝ շարունակում են անարձագանք մնալ Ադրբեջանի կողմից:
Նման մեխանիզմի գործարկումը հնարավորություն կտար պարզաբանել ցանկացած իրավիճակ և կկանխարգելեր իրականությանը չհամապատասխանող տեղեկությունների տարածումը: Միևնույն ժամանակ, Հայաստանի Հանրապետությանն էսկալացիոն հռետորաբանության մեջ ներքաշելու փորձերն անընդունելի են:
ՀՀ կառավարությունը շարունակում է հավատարիմ մնալ խաղաղության օրակարգին և չի շեղվելու այս ռազմավարությունից: Նաև հիշեցնում ենք, որ Հայաստանի Հանրապետությունը դիվանագիտական խողովակներով և հրապարակային Ադրբեջանին առաջարկել է սպառազինությունների վերահսկման փոխադարձ մեխանիզմ ստեղծել և համապատասխան պայմանագիր կնքել, ինչը նույնպես Ադրբեջանը թողել է անպատասխան: Չնայած սրան, նաև այս առաջարկն է շարունակում մնալ ուժի մեջ»,- ասված է հաղորդագրության մեջ:
© factor.am