Հայաստան-Վրաստան ֆուտբոլային հանդիպման բաց ցուցադրության պատճառով Հանրապետության հրապարակում ժամանակավորապես կսահմանափակվի երթևեկությունը
Վրացի երկրպագուների համար Թբիլիսիի քաղաքապետարանի և Վրաստանի ֆուտբոլի ֆեդերացիայի նախաձեռնությամբ մարտի 20-ին Առաջին Հանրապետության հրապարակում կտեղադրվի մեծ էկրան, որտեղ կանցկացվի Հայաստան-Վրաստան ֆուտբոլային հանդիպման հանրային ցուցադրությունը։
Թբիլիսիի քաղաքապետարանից հայտնել են, որ նախատեսված միջոցառման պատճառով տարածքում երթեւեկությունը երկու ուղղություններով կսահմանափակվի։ Սահմանափակումը կգործի Ռուսթավելի պողոտա-Առաջին Հանրապետության հրապարակ խաչմերուկից մինչև Հանրապետության հրապարակ և Մերաբ Կոստավա փողոց խաչմերուկ ճանապարհահատվածում մարտի 20-ին ժամը 00:30-ից մինչև մարտի 21-ը ժամը 14:00-ն ընկած ժամանակահատվածում:
Ռուսթավելի պողոտայից դեպի Կոստավա փողոց շարժվող մեքենաները Ձիթենու մոտ թեքվելուց հետո կկարողանան հետ շարժվել դեպի Ռուսթավելի պողոտա, ինչպես նաև կարող են շարժվել դեպի Միխայիլ Ջավախիշվիլի և Մերաբ Կոստավա փողոցներ։ Ջավախիշվիլի փողոցից շարժվող մեքենաներն ուղղվելու են դեպի Թբիլիսիի պետական համերգասրահ, իսկ Կոստավա փողոցից՝ Ռուսթավելի պողոտա և Ազատության հրապարակ, իսկ Ձիթենու մոտ շրջվելուց հետո նորից կմիանան Կոստավայի փողոց։
Ինչ վերաբերում է հասարակական տրանսպորտին, ապա N359 ավտոբուսը Վակե շարժվելիս Ջավախիշվիլի փողոցից կշարժվի Կոստավայի փողոցով, այնուհետ կգործի սահմանված չվացուցակով; Դեպի Բեսիկի փողոց շարժվելիս թիվ 457 միկրոավտոբուսը Ջավախիշվիլի փողոցից կշարժվի Ռևազ Թաբուկաշվիլի փողոց, Ռևազ Լաղիձեի փողոցով կմիանա Ռուսթավելի պողոտային, այնուհետ սահմանված սխեմայով կշարունակի ճանապարհը։
ՈՒԵՖԱ-ի Ազգերի լիգայի 2024-2025 մրցաշրջանի փլեյ-օֆֆի հանդիպումը Վրաստանի հավաքականը կանցկացնի մարտի 20-ին, ժամը 21:00-ին, Երևանում։