Հանրային հեռարձակողի շենքի շինարարությունը կավարտվի օգոստոսի 27-ին
«Հանրային հեռարձակողի շենքի շինարարությունը կավարտվի օգոստոսի 27-ին»,- ասել է Հանրային հեռարձակողի գլխավոր տնօրեն Թինաթին Բերձենիշվիլին։
Թինաթին Բերձենիշվիլիի խոսքով, հեռարձակողի շենքի շինարարությունը մոտենում է ավարտին։
«Մեզ համար կաևոր է, որ գործընթացը մոտենում է ավարտին։ Օգոստոսի 27-ին շենքն ամբողջությամբ պետք է ավարտվի և հանձնվի Հանրային Հեռարձակողին։ Դրանից հետո կսկսվի անցումային գործընթացը, որին մենք՝ բոլորս պատրաստվում ենք։ Նոր շենք տեղափոխվելն առանձին գործընթաց է և մեր յուրաքանչյուր քայլը հայտնի կլինի հանրությանը։ Սա ոչ միայն ենթակառուցվածքային փոփոխություն է, որն իսկապես շատ լայնածավալ է, դա նաև փոփոխություն է Հանրային Հեռարձակողի, երկրի համար իսկապես եզակի հեռուստաստուդիաների աշխատանքային գործընթացում, որոնք Վրաստանը պետք է շատ լավ օգտագործի տարբեր արտադրությունների, այդ թվում՝ կինոյի արտադրության համար »,- ասել է Թինաթին Բերձենիշվիլին։
Ինչ վերաբերում է միջազգային աուդիտի եզրակացությանը, Բերձենիշվիլիի խոսքով, «մենք շատ հպարտ ենք, որ շինարարությունը ավարտվում է պետական գնումների մասին օրենքին լիովին համապատասխան, բացարձակ թափանցիկ և մենք ոչ մի դիտողություն չենք ստացել»։
Նրա խոսքով, միջազգային աուդիտորական ընկերությունը դրական հաշվետվություն է պատրաստել Հանրային Հեռարձակողի ֆինանսական հաշվետվությունների վերաբերյալ։
«Թափանցիկությունը և ֆինանսական հաշվետվողականությունը Հանրային Հեռարձակողի համար կարևորագույն բաղադրիչներից են: Շնորհավորում եմ հեռարձակողի թիմին միջազգային աուդիտի դրական եզրակացության կապակցությամբ։ Վերստուգվել են ինչպես ֆինանսական, այնպես էլ պետական գնումների հաշիվները: Հաշվի աուդիտը լսել ենք նաև հարկային տեսանկյունից։ Կարևոր է, որ 2023 թվականին մենք ունեցել ենք 33175 հաշվապահական և ֆինանսական գործարքներ և որևէ տեսակի սխալ չի եղել»,- Թինաթին Բերձենիշվիլին։
Միջազգային աուդիտորական ընկերությունը՝ «Moor ABC» ՍՊԸ-ն դրական եզրակացություն է պատրաստել Հանրային Հեռարձակողի ֆինանսական հաշվետվությունների վերաբերյալ։