Թբիլիսիի հանրապետական հիվանդանոցը նոր տնօրեն ունի: Առողջապահության նախարար Միխեիլ Սարջվելաձեն Ալեքսանդր Մեսխիին ներկայացրել է կլինիկայի աշխատակիցներին։
Ինչպես նշեց Միխեիլ Սարջվելաձեն, նոր ղեկավարն առաջիկայում կներկայացնի բժշկական հաստատության առջև ծառացած խնդիրների լուծման գործողությունների ծրագիր։
Առողջապահության նախարարը Ալեքսանդր Մեսխիին նախարարության անունից հաջողություններ է մաղթել և լիարժեք աջակցություն հայտնել։ Հանրապետական հիվանդանոցի նոր տնօրենը շնորհակալություն է հայտնել Միխեիլ Սարջվելաձեին վստահության համար և նշել, որ կլինիկայի թիմի հետ միասին ակտիվորեն աշխատելու է բուժհաստատության առջև ծառացած մարտահրավերները հաղթահարելու համար։
Ալեքսանդր Մեսխին տնտեսագիտության մագիստրոս է։ Նա բազմամյա փորձ ունի պետական հատվածում, որտեղ տարբեր տարիներին զբաղեցրել է առաջատար մենեջերի պաշտոններ։
Տեղեկությունը տարածում է Առողջապահության նախարարության մամուլի ծառայությունը։