Վրաստանի բռնազավթված տարածքներից փախստականների, աշխատանքի, առողջապահության և սոցիալական պաշտպանության նախարար Էկատերինե Տիկարաձեն, խոսել է կորոնավիրուսի տարածումից ի վեր ձեռնարկված կանխարգելիչ քայլերի մասին: Նախարարը հաշվետվությունը ներկայացնելիս կենտրոնացել է այն հիմնական միջոցառումների վրա, որոնցով երկիրը հաջողությամբ հաղթահարեց վարակի առաջին ալիքը:

«Մենք կարողացանք զսպել համավարակի առաջին ալիքը ՝ առանց դրամատիկ հետևանքների: Չնայած տարածման նվազ դեպքերին, մենք միշտ ասել ենք, որ պատրաստվում ենք երկրորդ, շատ ավելի բարդ փուլին, որը, մեր հաշվարկների համաձայն, կսկսվեր աշնանը: Կանխատեսումն արդարացվեց և դեպքերի կտրուկ աճ նկատվեց սեպտեմբերի սկզբից: Դա հենց նախապես ձեռնարկված միջոցառումների արդյունք է, որ չնայած վարակի տարածման բարձր մակարդակին, առողջապահական համակարգը մնում է կայուն և այսօր բոլոր հիվանդներին անհրաժեշտ ծառայություններ են մատուցվում», – հայտարարել է Էկատերինե Տիկարաձեն: