Վրաստանի պատվաստումների ծրագիրը կամրապնդվի Համաշխարհային բանկից ստացված 34,5 միլիոն դոլլարի ծավալի լրացուցիչ ֆինանսավորմամբ: Այս մասին տեղեկատվություն է տարածում Համաշխարհային բանկը:
«Վրաստանի COVID-19 պատվաստումների ծրագիրը զգալիորեն կամրապնդվի 34,5 միլիոն դոլարի ծավալով լրացուցիչ ֆինանսավորմամբ, որն այսօր հաստատել է Համաշխարհային բանկի գործադիր տնօրենների խորհուրդը: Այս գումարը կավելացվի 2020 թվականի մարտին Համաշխարհային բանկի կողմից Վրաստանի կորոնավիրուսի դեմ արագ արձագանքման նախագծի համար հատկացված 80 միլիոն դոլլարին, որը նպատակ ունի օժանդակել Վրաստանին՝ համաճարակին արձագանքելու և դրա ազդեցությունը մեղմելու հարցում:
Այսօր հաստատված լրացուցիչ ֆինանսավորման հիմնական նպատակներն են՝ ապահովել COVID-19 պատվաստանյութերի հավասար հասանելիությունը, ամրապնդել Վրաստանի պատվաստումների համակարգը` պատվաստանյութերի արդյունավետ օգտագործումը հեշտացնելու համար և COVID-19-ի պատասխան միջոցառումների ուժեղացումը: Այս աջակցության միջոցով Համաշխարհային բանկը մասնակցում է Վրաստանի կառավարության՝ 2021 թվականին բնակչության 60 տոկոսը պատվաստելու պլանին», – ասված է Համաշխարհային բանկի հայտարարության մեջ:
«Համաշխարհային բանկը առաջին միջազգային ֆինանսական հաստատություններից մեկն էր, որը ճգնաժամի սկզբում COVID-19-ի դեմ զրագ արձագանքման նախագծի միջոցով աջակցեց Վրաստանին, և այժմ, այս լրացուցիչ ֆինանսավորմամբ, մենք կօգնենք կառավարությանը իրականացնել իր պատվաստումները: Համաճարակը մեծ բեռ է դրել երկրի տնտեսության, նրա ժողովրդի և նրա ձեռնարկությունների վրա, ուստի պատվաստումների ուժեղ ծրագիրը կարևոր նշանակություն ունի Վրաստանի արագ և կայուն վերականգնման, և որ ամենակարևորն է՝ կյանքեր փրկելու համար», – ասաց Հարավային Կովկասում Համաշխարհային բանկի տարածաշրջանային տնօրեն Սեբաստիան:
Համաշխարհային բանկի համաձայն, COVID-19 զրոյական արձագանքման նախագծի շրջանակներում լրացուցիչ ֆինանսավորումը կօգնի ծածկել համաճարակային արձագանքման միջոցառումների ընդլայնման ծախսերը: Այն կաջակցի COVID-19 պատվաստանյութերի գնմանը և օգտագործմանը, ներառյալ ներարկիչները և այլ պարագաները, պատվաստանյութերի նյութատեխնիկական ապահովումը և բաշխումը, պլանավորումը և կառավարումը, պատվաստանյութերի կապի և տեղեկատվական արշավը, վերապատրաստումը և ընդհանուր առողջապահական համակարգի ամրապնդումը:
«Համաշխարհային բանկի համար 34.5 մլն. դոլարի չափով լրացուցիչ ֆինանսավորման հատկացումն էլ ավելի է կարևորվում գլոբալ համաճարակի համատեքստում, երբ ավելի ու ավելի շատ ուշադրություն է դարձվում առողջապահական համակարգերի բարելավմանը, պատվաստումներին և նպատակային սոցիալական օգնությանը: Վրաստանը առաջին երկրներից մեկն էր, որը Համաշխարհային բանկի կողմից արագ ֆինանսական աջակցություն ստացավ 80 միլիոն դոլլարի տեսքով, որը վճռական դեր խաղաց երկրի քաղաքացիներին օգնելու գործում: Ես կցանկանայի մեկ անգամ ևս շնորհակալություն հայտնել մեր գործընկերներին COVID-19-ի դեմ պայքարում մեզ հետ գործադրած բոլոր ջանքերի համար», – ասաց Վրաստանի ֆինանսների նախարար Լաշա Խուցիշվիլին:
Համաշխարհային բանկի համաձայն, անցյալ տարի COVID-19-ի դեմ արագ արձագանքման խոշոր նախագծի միջոցով Համաշխարհային բանկն աջակցեց Վրաստանին համաճարակային սպառնալիքները կանխելու և դրանց արձագանքելու հարցում: Նախագիծն առողջապահության նախարարությանը օգնություն է տրամադրել կենսական նշանակության բժշկական սարքավորումներով. Ավելի քան չորս միլիոն «ՊՇՌ», ինչպես նաև հակագենի վրա հիմնված արագ թեստ և ԴՆԹ-ի վրա հիմնված թեստ, ավելի քան 1000 թթվածնային թերապիայի սարքավորում, ինչպես նաև վերակենդանացման և շտապ օգնության մահճակալներ և արհեստական շնչառության սարքեր:
«Ավելին, նախագիծը նշանակալի ներդրում ունեցավ նաև կառավարության սոցիալական աջակցության փաթեթի իրականացման գործում՝ ամենամսյա ժամանակավոր օգնություն ստացավ 80,000 ընտանիք, լրացուցիչ օգնություն ստացավ ավելի քան 3 երեխա ունեցող շուրջ 25,000 ընտանիք, նաև 370,000 ինքնազբաղված անձինք ստացան միանվագ օգնություն, և ավելի քան 160,000 մարդ՝ ժամանակավոր գործազրկության օժանդակություն», – հայտարարում են Համաշխարհային բանկում:
«Համաշխարհային բանկի աջակցությունը կարևոր էր կորոնավիրուսի դեմ պայքարում: Բանկի օգնությամբ մենք շատ ավելի արագ և արդյունավետորեն կարողացանք հարմարվել և արձագանքել համաճարակի ազդեցություններին: Այսօր մենք ունենք համաճարակն ավարտելու հիմնական գործիքը. Սա պատվաստանյութն է: Համաշխարհային բանկի աջակցությամբ մենք կկարողանանք ավելի լավ կառավարել պատվաստումների գործընթացը: Ես կցանկանայի մեկ անգամ ևս շնորհակալություն հայտնել Համաշխարհային բանկին` մեր ամենակարևոր գործընկերոջը, համաճարակի դեմ պայքարում մեր երկրին օգնելու համար», – հայտարարել է առողջապահության նախարար Էկատերինե Տիկարաձեն:
Համաշխարհային բանկի տվյալներով, լրացուցիչ ֆինանսավորումը, ինչպես նաև հիմնական նախագիծը Համաշխարհային բանկի Վրաստանին ֆինանսական օգնության փաթեթի մի մաս է, որը ներառում է նաև վերջերս ստորագրված 85 միլիոն եվրո հատկացնելու հետ կապված համաձայնագիրը, որը նպատակ ունի օգնել համաճարակից տուժած միկրո, փոքր և միջին ձեռնարկություններին: Մինչ այդ բանկը Վրաստանին հատկացրել էր 45 մլն. եվրո ֆինանսավորում՝ «Տնտեսական կառավարման և մրցունակության զարգացման քաղաքականության միջոցառումների» համար, այդպիսով տրամադրելով կառավարությանը բյուջետային աջակցություն հարկային եկամուտների կտրուկ անկման և հակաճգնաժամային միջոցառումների ծախսերի աճի պայմաններում՝ երկրի երկարաժամկետ տնտեսական աճն ապահովելու նպատակով:
