ՀԱՄԱՍ-ը հայտարարել է, որ այս շաբաթ ազատ կարձակի վեց պատանդների
Displaced Palestinians leave parts of Khan Younis as they go back to their homes in Rafah, southern Gaza Strip, Sunday, Jan. 19, 2025. (AP Photo/Jehad Alshrafi)
ՀԱՄԱՍ-ն այս շաբաթ ազատ կարձակի վեց պատանդների։ ՀԱՄԱՍ-ի հայտարարության համաձայն՝ երեք պատանդներ ազատ կարձակվեն մինչև ուրբաթ, ևս երեքը՝ փետրվարի 1-ին։
Հաղորդվում է, որ Արբել Յեհուդին, իսրայելական բանակի զինծառայող Ագամ Բերգերը և ևս մեկ պատանդ ազատ կարձակվեն մինչև ուրբաթ։
Մինչդեռ ՀԱՄԱՍ-ի քաղբյուրոյի անդամ Մուսա Աբու Մարզուկին ասում է, որ խմբավորումը պատերազմից հետո կարող է հրաժարվել Գազայի կառավարումից և պատրաստ է բանակցություններ սկսել ԱՄՆ-ի հետ այս հարցի շուրջ։
Մարզուկին ասաց, որ Համասը հասկանում է, որ կառավարող մարմինը կարիք կունենա ինչպես տարածաշրջանային, այնպես էլ միջազգային աջակցության, ներառյալ Պաղեստինի ինքնավարության նախագահ Մահմուդ Աբասի աջակցությունը:
Անցյալ ամիս ՀԱՄԱՍ-ը և Պաղեստինի ինքնավարության իշխող ՖԱԹՀ կուսակցությունը պայմանավորվեցին ստեղծել կոմիտե, որը համատեղ կկառավարի հետպատերազմյան Գազայի հատվածը: Ըստ ծրագրի՝ հանձնաժողովը պետք է կազմավորվի 10-15 անկուսակցական գործիչներից, ովքեր իրավասու կլինեն տնտեսության, կրթության, առողջապահության, մարդասիրական օգնության, վերակառուցման հետ կապված հարցերում։