Քրեակատարողական ծառայությունը բժիշկների կոնսուլտացիաների հիման վրա որոշում կկայացնի, որն օպտիմալ կլինի Միխեիլ Սաակաշվիլիի առողջության կառավարման համար,- ասել է խորհրդարանական մեծամասնության անդամ Գուրամ Մաճարաշվիլին։

Նրա խոսքով՝ որոշումը կայացնում են ոչ թե քաղաքական գործիչները, այլ մի խումբ բժիշկներ, որոնց իրավասությունն այն ներառում է։

«Առաջիկա ժամերին կանցկացվեն կոնսուլտացիաներ եւ որոշում կկայացվի, որն անհրաժեշտ է հիվանդի վիճակն ապահովելու համար։ Քրեակատարողական ծառայությունը բժիշկների խորհրդատվությունների հիման վրա որոշում կկայացնի, որը օպտիմալ կլինի Միխեիլ Սաակաշվիլիի առողջության կառավարման համար։ Կոչերի մասին չխոսենք, քանի որ կարելի է հիշել Ստրասբուրգի դատարանի՝ հացադուլը դադարեցնելու կոչը։ Մեր գործընկերները տեղում խորհրդակցել են բժիշկների հետ, ստուգել իրավիճակը, և ես ձեզ ասում եմ, որ կլինեն խորհրդակցություններ, և բժիշկների որոշման հիման վրա ՔԿՀ-ն որոշում կկայացնի։ Որոշումը քաղաքական գործիչները չեն կայացնում, այն կկայացնեն մի խումբ բժիշկներ, որոնց իրավասությունը այն ներառում է»,- ասել է Գուրամ Մաճարաշվիլին։