Վրաստանի գլխավոր դատախազ Գիորգի Գվարակիձեն հանդիպում է ունեցել Վրաստանում Հայաստանի Հանրապետության արտակարգ և լիազոր դեսպան Աշոտ Սմբատյանի հետ։

Կողմերը քննարկել են Վրաստանի և Հայաստանի միջև առկա գործընկերության և երկկողմ սերտ համագործակցության խորացման հարցերը։ Հանդիպման ընթացքում քննարկվել են Վրաստանի և Հայաստանի համապատասխան գերատեսչությունների միջև արդյունավետ համագործակցությունը և ապագա ծրագրերը՝ հույս հայտնելով, որ այդ համագործակցությունը կխորանա համատեղ ջանքերով։

Գլխավոր դատախազությունում կայացած հանդիպմանը մասնակցել են Վրաստանի գլխավոր դատախազի տեղակալ Ամիրան Գուլուաշվիլին, իրավական աջակցության և միջազգային հարաբերությունների բաժնի պետ Գիորգի Միքավան և Հայաստանի Հանրապետության հյուպատոս Եվա Ահարոնյանը։

Տեղեկատվությունը հրապարակվել է գլխավոր դատախազության կողմից։