Գիտանաս Նաուսեդա – Ես առաջարկում եմ Եվրամիությանը սահմանել Ուկրաինայի անդամակցության ցուցիչ վերջնաժամկետ, օրինակ՝ 2030 թվականի հունվարի 1-ը
Լիտվան պատրաստ է աջակցել Ուկրաինային իր համախառն ներքին արդյունքի տարեկան 0,25%-ով, լրագրողներին ասել է Լիտվայի նախագահ Գիտանաս Նաուսեդան ԵՄ առաջնորդների արտակարգ գագաթնաժողովից առաջ։
Նրա խոսքով՝ ինքը ԵՄ անդամ երկրներին առաջարկում է ցուցիչ ժամկետ սահմանել ԵՄ-ին Ուկրաինայի անդամակցության համար։
«Լիտվան պատրաստ է նպաստել հիմնադրամին, քանի որ մենք պարտավոր ենք աջակցել Ուկրաինային տարեկան մեր ՀՆԱ-ի 0,25%-ով: Մենք հաշվարկել ենք, որ եթե մյուս երկրները պատրաստ լինեին վճարել նույն գումարը, ապա Ուկրաինան կստանար 43 միլիարդ եվրո, իսկ դա շատ է։ Սա հենց այն է, ինչ նրանց հիմա պետք է։ Ուկրաինային քաղաքական աջակցությունը նույնպես կարևոր է։ Այսպիսով, ես առաջարկում եմ առաջնորդներին, որ մենք սահմանենք Ուկրաինայի՝ Եվրամիությանն անդամակցելու ինդիկատիվ ժամկետ, օրինակ՝ 2030 թվականի հունվարի 1-ը։ Սա իրավական որոշում չի լինի, բայց դա կլինի մեր քաղաքական պարտավորությունը՝ ճանապարհ դնել և շատ հստակ ուղեցույց ուղարկել մեր ուկրաինացի ընկերներին, ովքեր մեր կողմից ոչ միայն ռազմական և ֆինանսական, այլև քաղաքական աջակցության կարիք ունեն»,- ասել է Նաուսեդան։