Մենք կհավաքվենք մայիսի 26-ին, քայլեք մեզ հետ Թբիլիսիում և կտեսնեք, թե որքան մարդու հետ կշփվենք,- լրագրողներին ասաց «Ընդդիմադիր դաշինքի» առաջնորդներից մեկը՝ Գիորգի Վաշաձեն։

Նրա խոսքով՝ մայիսի 26-ին տեղի կունենա խաղաղ մեծ հավաք։

«Մենք գիտենք, որ «Վրացական երազանքը» նյարդային է, մենք կունենանք խաղաղ մեծ հավաք։ Մեր խնդիրն է կատարել պատմական առաքելություն, իսկապես Վրաստանը տանել դեպի խաղաղություն, այն դարձնել Եվրամիության անդամ և, ամենակարևորը, միավորել հասարակությունը դրա համար։ «Երազանքի» խնդիրն է մեզ պառակտել և միմյանց հակադրել։ Մենք երբեք չենք հետևի նրանց։ Հետևաբար, մայիսի 26-ին, ժամը 19:00-ին, մենք բոլորիդ սպասում ենք Ռուսթավելիում։ Մենք ամեն օր զբոսնում ենք Թբիլիսիում, հետևեք ինձ երկուշաբթի օրվանից, և դուք կտեսնեք, որ թե քանի մարդ կհանդիպի և կդիմավորի ձեզ։ Ի տարբերություն նրանց՝ մենք մեր շուրջը ոչ մի անվտանգություն կամ որևէ արգելք չենք ունենա։ Մենք կքայլենք մարդկանց մեջ, ինչպես ես հիմա կանգնած եմ այստեղ։ Պատկերացրեք, նրանք նույնիսկ երես չունեն այստեղ մտնելու, իրենք են իրենց հասցրել այս վիճակին», – ասաց Գիորգի Վաշաձեն։