Մեր եվրոպացի գործընկերների մոտ վրաց ժողովրդի բողոքը կրկին հույսի կայծ արթնացրեց, որ Վրաստանը տարեվերջին կստանա թեկնածուի կարգավիճակ, այս պատուհանը դեռ բաց է,- Բրյուսելում հայտարարել է «Ստրատեգիա Աղմաշենեբելիի» առաջնորդ Գիորգի Վաշաձեն։

Ինչպես ասել է Գիորգի Վաշաձեն, ընդդիմությունն ամեն ինչ անում է, որպեսզի երկիրը չկորցնի պատմական շանսը։

«Այստեղից ասում եմ Կոբախիձեին, Պապուաշվիլիին և մյուսներին՝ դադարեցրեք հարձակվել այս մարդկանց վրա, մենք պետք է ներողություն խնդրենք այն անսանձ, անտանելի լեզվի համար, որը դուք օգտագործում եք։ Դադարեք ստել, այս մարդիկ սպասում են շատ պարզ բարեփոխումների, որպեսզի թեկնածուի կարգավիճակ ստանանք։

Մենք՝ ընդդիմությունս, անում ենք ամեն ինչ, որպեսզի չկորցնենք պատմական շանսը։ Պատասխանատու են սկզբից մինչև վերջ Պապուաշվիլին, Ղարիբաշվիլին, Կոբախիձեն և ամենագլխավորը՝ Իվանիշվիլին, ովքեր բացասականին ավելացնում են բացասականը։ Բարեկամներին վերածեցին թշնամիների: Բալթյան երկրները, Լեհաստանը, մեր գլխավոր ուղեցույցը, նրանք մեղադրում են այդ մարդկանց Վրաստանի թշնամի լինելու մեջ»,- ասել է Վաշաձեն։