Գիորգի Վաշաձե. Իմ դիրքորոշումն է, որ հունվարից սկսենք միացյալ ազգային դիմադրության շարժում և«Վրացական երազանքի» համար կազմակերպենք դատաստանի օր
«Վրացական երազանքը» ծանր վիճակում է, միջազգային ճնշումն ստացել է նոր չափանիշ և որակ,- այս մեկնաբանությամբ է հանդես եկել «Նոր Վրաստանի» առաջնորդ Գիորգի Վաշաձեն՝ ընտրական համակարգի մասին կառավարող թիմի նոր առաջարկի մասին խոսելիս:
Ինչպես նշել է Վաշաձեն, «Վրացական երազանքի» թիմի առաջարկը սկզբունքորեն փոխում է ընտրական մոտեցումները, իսկ հանրության պահանջը համամասնական համակարգին անցնելն է:
«Իմ դիրքորոշումն է, որ հունվարից սկսենք միացյալ ազգային դիմադրության շարժում: «Վրացական երազանքի» համար պետք է կազմակերպենք դատաստանի օր այն ոչ համարժեք պատասխանների համար, որն ունեն իշխանությունը վայելելուց ելնելով: Այս ամենի պատասխանատուն Բիձինա Իվանիշվիլին է և դա պետք է բոլորը գիտակցեն»,- հայտարարել է Գիորգի Վաշաձեն:
Նրա խոսքով, դիվանագետների խնդրանքով պահպանվելու է երկխոսության ձևաչափը:
Կառավարող թիմը քաղաքական սպեկտրին առաջարկում է, պահպանվի գործող խառը ընտրական համակարգը, սակայն համամասնական բաժինն այս համակարգում ավելանա մինչև երկու երրորդը: Այս առաջարկի շուրջ համաձայնության գալու դեպքում, համամասնական կարգով կընտրվի 100 պատգամավոր, իսկ մեծամասնական մանդատը կկրճատվի մինչև 50-ը: