Նախագահի խորհրդարանական քարտուղար Գիորգի Մսխիլաձեի խոսքով, նախագահը կօգտվի իր սահմանադրական իրավունքից և վետո կդնի «Օտարերկրյա ազդեցության թափանցիկության մասին» օրենքի վրա։

Նրա խոսքով, խորհրդարանի բյուրոյի այսօրվա նիստում իրենք պահանջել են չգրանցել «Վրացական երազանքի» օրենսդրական նախաձեռնությունը «արտաքին ազդեցության թափանցիկության» մասին եւ դադարեցնել դրա մասին խոսել, որը խոստացվել էր դեռ անցյալ տարի։

«Բոլորը տեսան մեծամասնության կողմից նշված օրենքի նախաձեռնման արձագանքը։ Սրան արձագանքեցին և՛ Եվրամիությունը, և՛ ՆԱՏՕ-ի գլխավոր քարտուղարը, մեր միջազգային գործընկերները, ռազմավարական գործընկերները, Ամերիկայի Միացյալ Նահանգները։ Նրանք նշել են, որ նշված օրենքի ընդունումը կխոչընդոտի Վրաստանի եվրաինտեգրման ճանապարհին։ Ըստ այդմ, մենք բյուրոյին խնդրեցինք ընդհանրապես չգրանցել նշված օրենքը, չգրանցել այն, որպեսզի հանձնաժողովներում չսկսվի քննարկումը և դադարեցվի խոսել այս օրենքի մասին, որը խոստացվել էր անցյալ տարի», – ասել է Գիորգի Մսխիլաձեն։