Առանց վիզայի ռեժիմի հաստատումը ցույց է տալիս Չինաստանի կառավարության վերաբերմունքը մեր երկրի նկատմամբ, որքան են նրանք կարևորում մեր հարաբերությունները, դա առաջին հերթին ցույց է տալիս գործընկերային և բարեկամական վերաբերմունքը,- այս մասին հայտարարել է «Վրացական երազանքի» անդամ Գիորգի Կախիանին:

Կախիանիի խոսքով՝ Չինաստանի հետ հարաբերությունների խորացումը շատ դրական արդյունքներ կբերի նաև տնտեսական տեսակետից։

«Որքան խորացնենք Չինաստանի հետ տնտեսական հարաբերությունները, դա դրականորեն կանդրադառնա երկրի տնտեսական ցուցանիշների վրա, ի վերջո, իհարկե, կազդի նաեւ սոցիալական ոլորտի վրա։ Այնպես որ, ռազմավարական գործընկերության շրջանակներում, որը մենք ունենք Չինաստանի հետ, սա շատ կարևոր առաջընթաց քայլ է։ Մենք փորձում ենք ավելի խորացնել մեր հարաբերությունները Ամերիկայի Միացյալ Նահանգների հետ, էլ ավելի սերտացնել մեր ռազմավարական գործընկերությունը, եթե դա արտացոլվի նրանց կողմից վիզաների ազատականացման մեջ և այլն։ Իհարկե, մենք դա միայն ողջունում ենք։ Այնպես որ, այս ուղղությամբ մենք կարևոր քայլեր ենք ձեռնարկում։ Սա կառավարության մեծ ցանկությունն է՝ էլ ավելի սերտ և խորը հարաբերություններ ունենալու մեր ամերիկյան ռազմավարական գործընկերների հետ»,- ասել է Կախիանին։

Չինաստանը Վրաստանի քաղաքացիների համար սահմանել է առանց վիզայի ռեժիմ.