Վրաստանի վարչապետ Գիորգի Գախարիան միջազգային գործընկերներին շնորհակալություն է հայտնում Վրաստանին աջակցելու համար:

Միջազգային ֆինանսական ինստիտուտների և դիվանագետների համատեղ բաց նամակին կառավարության ղեկավարն արձացանքել է «Թվիթեր» պաշտոնական էջում:

«Շնորհակալություն եմ հայտնում մեր միջազգային գործընկերներին այս մարտահրավերներով լի ժամանակաշրջանում Վրաստանի կողքին լինելու համար: Շնորհակալություն եմ հայտնում աջակցության համար և կիսում ձեր համոզմունքը, որ այժմյան ճգնաժամը հնարավոր է հաղթահարել միայն համատեղ ջանքերով»,- գրում է Գիորգի Գախարիան «Թվիթերում»:

Վրաստանում գործող միջազգային ֆինանսական կազմակերպությունների ներկայացուցիչները և դիվանագետները բաց նամակով դիմել են Վրաստանի կառավարությանը և ժողովրդին: Բաց նամակը տարածել է Համաշխարհային բանկը: Նամակում խոսվում է համավարակից բխած խնդիրները հաղթահարելու Վրաստանի պատրաստակամության և երկրին աջակցելու մասին:

Grateful to our international partners for standing with Georgia during this challenging time. We thank you for your support & share your belief that the current crisis can only be overcome with unity. https://t.co/oEADmBN7Sq #StopCoV

— Giorgi Gakharia (@GakhariaGiorgi) April 9, 2020