Գիորգի Գախարիան հանդիպել է Եվրոպական հարևանության քաղաքականության և ընդլայնման հարցերում հանձնակատար Օլիվեր Վարհեյի հետ:

«Հանուն Վրաստանի» կուսակցության հաղորդմամբ, հանդիպման հիմնական թեման եղել է Եվրամիության հետ համագործակցության ուղղությամբ այն հարցերի գործնական կատարման փուլին անցնելը, որոնք համաձայնեցվել և սահմանվել են Գիորգի Գախարիայի վարչապետ լինելու ընթացքում:

Նրանց խոսքով, դրանք Եվրամիության հետ ֆիզիկական հաղորդակցության և տրանսպորտային կապերի, տնտեսական համագործակցության մեխանիզմների ամրապնդման և դրանց գործնական իրականացման հատուկ ծրագրեր են: Կողմերը գոհունակությամբ նշել են մինչ այժմ ձեռք բերված առաջընթացը և ապագայում ձեռնարկվելիք կոնկրետ քայլերը: Գիորգի Գախարիան մանրամասնորեն խոսեց կուսակցության կողմից Վրաստանի համար արդեն մշակված բարեփոխումների ողջ շղթայի և այդ բարեփոխումների օրակարգի մասին, որը կարևոր նշանակություն ունի Եվրոպական միությանը աստիճանական ինստիտուցիոնալ ինտեգրման համար:

Հանդիպմանը ընդգծվել է Վրաստանի կարևոր դերը Սևծովյան ավելի լայն տարածաշրջանում:

Գիորգի Գախարիան Եվրահանձնակատարին ներկայացրել է իր ռազմավարական նպատակները և նորաստեղծ «Հանուն Վրաստանի» կուսակցության առաջիկա մունիցիպալ ընտրությունների ծրագրերը:

Հանդիպման ընթացքում ընդգծվել է Վրաստանում ուժեղ ինստիտուցիոնալ ժողովրդավարացման գործընթացի ամրապնդման և այդ կապակցությամբ հետագա համագործակցության անհրաժեշտությունը: Կողմերը հույս են հայտնել նաև ապագա համագործակցության համար, այդ թվում `առաջիկայում հանդիպել ևս մեկ անգամ: