Ես կտրականապես չեմ կիսում այն միտքը, որ վերջին օրերին տեղի ունեցածը պատրիարքի պատասխանատվությունն է, ֆիզիկական բռնության միջոցով հնարավոր չէ որեւէ դրական արդյունքի հասնել, վրացական եկեղեցին և Վրաստանի պատրիարքը դա ամենալավ են հասկանում,- այս մասին հայտարարել է «Հանուն Վրաստանի» կուսակցության առաջնորդ Գիորգի Գախարիան Զուգդիդիում, որտեղ բացվել է կուսակցության շրջանային գրասենյակը:

«Եթե ինչ-որ մեկը մտածում էր, որ վրացական եկեղեցին դեմ չէր լինի փրայդին, ապա այդ անձը ընդհանրապես գաղափար չունի Վրաստանի կամ վրաց եկեղեցու մասին: Իհարկե, վրացական եկեղեցին դեմ է եղել և կլինի փրայդին, բայց դա ևս արտահայտվելու ազատություն է, և դա պետք է տեղի ունենա խաղաղ ճանապարհով: Առաջին հերթին այս ֆիզիկական բռնությունից տուժել է վրացական եկեղեցին, վրաց հասարակությունը, վրացական պետությունը, վրացական ոստիկանությունը», – ասաց Գիորգի Գախարիան:

Նրա խոսքով, բոլորը պետք է հասկանան, որ վրացական եկեղեցին միշտ դեմ կլինի փրայդին, և դա նորմալ է:

«Վրաց եկեղեցին միշտ դեմ կլինի փրայդին, և դա նորմալ է, ճիշտ այնպես, ինչպես վրացական հասարակության մեջ միշտ կգտնվեն մարդիկ, ում համար փրայդի նման ձևով անցկացումը անընդունելի է, և որոնց արտահայտման ազատությունը նույնպես պետք է պաշտպանված լինի: Սա ժողովրդավարություն է, այսպես է աշխատում ժողովրդավարությունը: Մենք չպետք միմյանց ծեծենք, պետք է նստենք ու խոսենք: Լինի փոքրամասնություն, թե մեծամասնություն, պետությունը պետք է խաղաղ կերպով պաշտպանի նրանց խոսքի ազատությունը, և դա պետության հիմնական դրական գործառույթն է և ոչ թե այն, որ զգուշացնի, հետո գնալ և թաքնվել թփերի մեջ», – ասաց Գիորգի Գախարիան:

Տեղեկատվությունը տարածում է «Հանուն Վրաստանի» կուսակցության մամուլի ծառայությունը: