«Մինչ «Երազանքը» մարդկանց ապօրինի կերպով ձերբակալում է քաղաքական հայացքների համար, ընդդիմությունը միմյանց է հակադրվում տարբեր կարծիքների պատճառով», – այս մասին գրում է «Գախարիա Վրաստանի համար» կուսակցության նախագահ Գիորգի Գախարիան սոցիալական ցանցում։

Նրա խոսքով՝ այժմ ամենակարևորը Վրաստանի յուրաքանչյուր քաղաքացուն համոզելն է, որ «Երազանքը» իրենց զրկում է ապագայից։

«Շնորհավորում եմ Մամուկա Խազարաձեին և Բադրի Ջափարիձեին ազատության առթիվ։ Ամուր ոգի և շուտափույթ ազատում եմ մաղթում բոլոր քաղաքական կալանավորներին։ Մինչ «Երազանքը» ապօրինաբար կալանավորում է մարդկանց քաղաքական հայացքների համար, օկուպանտները շնորհակալություն են հայտնում «Երազանքին»՝ Վրաստանին պատերազմի պատասխանատվությունը բարդելու համար։ Այս ընթացքում ընդդիմությունը կռվում է ընդդիմության դեմ՝ տարբեր դիրքորոշումների պատճառով։ Մինչ այդ «Երազանքը» դավաճանում է Վրաստանի ազգային շահերին։ Հետևաբար հիմա ամենակարևորն է, որ Վրաստանի յուրաքանչյուր քաղաքացի վստահ լինի՝ «Երազանքը» մեր երեխաներից խլում է ապագան», – գրում է Գիորգի Գախարիան։