Գիորգի Գախարիա. Մենք պետք է ամեն ինչ անենք, որպեսզի պետական ռեսուրսները հնարավորինս արագ ներառենք տնտեսական շրջանառության մեջ
Ինչպես գիտեք, վերջին տարիներին տարբեր խնդիրներ խոչընդոտում էին հողային ռեսուրսների ներգրավումը տնտեսական շրջանառության մեջ, բայց Վրաստանի նախորդ գումարման խորհրդարանը օրենսդրական փոփոխությունների արդյունքում կարողացավ օրենսդրական կարգ հաստատել հողի սեփականության և կառավարման մասում, և այսօր մենք կարող ենք ավելի համարձակ լինել և գործել այս ուղղությամբ,- այս մասին վարչապետի թեկնածու Գիորգի Գախարիան հայտարարել է խորհրդարանի լիագումար նիստում ունեցած ելույթի ժամանակ, որի շուրջ այսօր քվեարկելու են կառավարությանը վստահություն հայտնելու հարցը:
Նա ասաց, որ նույնիսկ օգտակար հանածոների ոլորտում շատ ավելի արդյունավետ մոտեցում և արդյունավետ ծրագրեր են անհրաժեշտ՝ ռեսուրսները հնարավորինս արագ ակտիվացնելու համար:
«Մենք երեկ խոսեցինք, մենք պետք է ամեն ինչ անենք, որպեսզի պետական ռեսուրսները, պետական սեփականությունում առկա ռեսուրսները հնարավորինս շուտ ներառվեն տնտեսական շրջանառության մեջ: Ինչպես գիտեք, մենք սկսել ենք հողերի սիստեմատիկ գրանցման ծրագիր, որը պետք է ավարտվի առաջիկա երեք տարիների ընթացքում: Այս ծրագրի հիմնական խնդիրն այն է, որ երկրում հողի սեփականության գրանցման մի մասը մեկընդմիշտ ավարտելուց բացի, այս հողային ռեսուրսը, պետք է հնարավորինս արագ և արդյունավետ ներգրավվի տնտեսական շրջանառության մեջ», – ասաց Գիորգի Գախարիան: