Սահմանադրական անվտանգության դեպարտամենտի (ՍԱԴ) նախկին բարձրպաշտոնյա Գիորգի Դգեբուաձեն (Մաստերա) Բադրի Պատարկացիշվիլու անվտանգության աշխատակցի հետ զրույցում հաստատում է, որ Պատարկացիշվիլու սպանության նախապատրաստման հարցը արտոնված էր այն ժամանակվա նախագահ Միխեիլ Սաակաշվիլու կողմից,- այս մասին նշված է Բադրի Պատարկացիշվիլու սպանության նախապատրաստման հետ կապված գլխավոր դատախազության կողմից տարածված տեղեկությունում:

Գերատեսչության տեղեկությամբ, խոսքը 2007 թվականի փետրվարի 4-ի ձայնագրության մասին է:

«2007 թվականի փետրվարի 4-ի ձայնագրությունում ՍԱԴ-ի բարձրպաշտոնյա Գ.Դ.-ն զրուցում է Բադրի Պատարկացիշվիլու անվտանգության աշխատակցի հետ և փորձում նրան գայթակղել: Զրույցի ժամանակ Գ.Դ.-ն հաստատում է, որ սպանության նախապատրաստման հարցը արտոնված է Վրաստանի այն ժամանակվա նախագահ Միխեիլ Սաակաշվիլու կողմից, քանի որ Բադրի Պատարկացիշվիլին նրանց քաղաքական հակառակորդը և իշխանության թշնամին է: Ձայնագրությունից պարզվում է, որ լիկվիդացումը պետք է իրականացնի ՍԱԴ-ը»,- նշված է գլխավոր դատախազության տեղեկությունում:

Ձայնագրությունում Դգեբուաձեն անվտանգության աշխատակցին օգնություն է խնդրում և ասում, հարցը որոշված է Միխեիլ Սաակաշվիլու մակարդակով:

Վրաստանի դատախազության կողմից բացվել է Բադրի Պատարկացիշվիլու սպանության պատրաստման փաստը,- այս մասին հայտարարություն է արվել գլխավոր դատախազությունում: