Վրաստանի խորհրդարանի առաջին փոխխոսնակ Գիա Վոլսկին հայտարարել է, որ որոշակի ցուցանիշներ կան. եթե ինչ-որ մեկին հետաքրքրում են վարկանիշները, թող նայեն տվյալները։ Շահինիին այդ տվյալները չեն հետաքրքրում, նա ուզում է, որ Սաակաշվիլին ազատ արձակվի և ղեկավարի երկիրը։

Նրա խոսքով՝ «պարզվում է, Միխեիլ Սաակաշվիլին եղել է ժողովրդավարության փարոս, սակայն փաստերը այլ բան են ասում»։

«Շահինիի հայտարարություններին պետք է պատասխանել միայն փաստարկներով։ Սաակաշվիլին ներկայացվում էր որպես ժողովրդավարության փարոս, սակայն հիշում եք՝ մարդու իրավունքների ոտնահարումները ինչ մասշտաբների էին հասնում։ Վրաստանում իրավիճակը կտրուկ փոխվել է, և այժմ Սաակաշվիլին դրախտում է ապրում՝ համեմատած այն համակենտրոնացման ճամբարների հետ, որ ինքը կազմակերպում էր։ Եվ պարզվում է՝ նա է եղել ժողովրդավարության փարոսը, իսկ հիմա այստեղ ժողովրդավարության նահանջ է ընթանում։ Փաստերը խոսում են այլ բանի մասին», — ասել է Վոլսկին։

Նշենք, որ ԱՄՆ Սենատի արտաքին հարաբերությունների կոմիտեի անդամները՝ դեմոկրատ Ջին Շահինն ու հանրապետական սենատոր Ռոջեր Ուիքերը, համատեղ հայտարարություն են տարածել։