Մենք չենք կարող ընդունել արտահերթ նիստում նախագահի հնչեցրած քննադատությունը, քանի դեռ չենք դադարեցրել աշխատանքը: Ցավոք, նախագահը նույնպես միացավ որոշ մարդկանց կատաղի հայտարարություններին, թե մենք գնացել ենք հանգստանալու և արևայրուք ստանալու,- ասաց խորհրդարանի առաջին փոխխոսնակ Գիա Վոլսկին` գնահատելով նախագահի տված հարցազրույցը Վրաստանի Առաջին ալիքին։

Վոլսկին կարծում է, որ Սալոմե Զուրաբիշվիլիին մոլորության մեջ են գցել և ամբողջական տեղեկատվություն չի ունեցել։

«Մենք կարծում ենք և ուզում ենք, որ այդպես լինի, որ նա ապակողմնորոշվել է և լիարժեք տեղեկություն չի ունեցել, որ հանձնաժողովները շարունակում են աշխատել։ Լավ կլիներ, որ նա մեկ, երկու կամ մի քանի հայտարարություն աներ այս հանձնաժողովներում միասին լինելու անհրաժեշտության մասին, ինչը շարունակվում է։ Նախագահի արածը ազդանշան է տվել, որ ոչինչ չի արվում, և մեծամասնությունը գնացել է արձակուրդ։ Ինչ վերաբերում է աշխատանքային ձևաչափերում նրա ընդգրկմանը, ապա նա չպետք է փորձի գերազանցել իր սահմանադրական լիազորությունները։ Գերմանիայի նախագահը երբեք ցանկություն չի ունեցել ներքաշվելու այնպիսի գործընթացների մեջ, որոնք տեղի են ունենում Բունդեսթագում եւ նրան ընդհանրապես չեն վերաբերում»,- ասաց Գիա Վոլսկին։