«Անվիզա ռեժիմի կասեցման համար անհրաժեշտ են որոշակի ընթացակարգեր և համաձայնություններ։ Դա այդքան էլ պարզ թեմա չէ։ Շատ երկրներ չեն աջակցի Վրաստանի համար վիզալիբերալիզացիայի դադարեցմանը», – այս մասին հայտարարել է խորհրդարանի առաջին փոխխոսնակ Գիա Վոլսկին։

Վոլսկու խոսքով՝ «նրանց պահանջները կտրված են այն սկզբունքներից, որոնք ունի Եվրոպական միությունը»։

«Առաջին հարցն է թափանցիկության անտեսումը։ Սա ուղիղ հակասում է ԵՄ համակարգին։ Անթույլատրելի է, որ երկրում մտնի մութ փող և օգտագործվի հեղափոխություն կազմակերպելու համար։ Վրաստանում փոքրամասնությունների իրավունքները պաշտպանված են, այդ թվում՝ համապատասխան օրենսդրությամբ։ Ամենակարևորն այն է, որ ազգային ինքնության հետ կապված հարցը այն թեման չէ, որի շուրջ ԵՄ-ն կարող է հակասության մեջ մտնել Վրաստանի հետ։ Խոսքը վերաբերում է ԼԳԲՏ քարոզչության սահմանափակման մասին օրենքին։ Այս օրենքի հետկանչի պահանջն այնքան ցնցող է, որ ուղղակիորեն մատնանշում է լուրջ քաղաքական նպատակ՝ երիտասարդներին միավորել հեղափոխական գործընթացի համար։ Այս թեմայի վերաբերյալ մենք կունենանք հիմնավորված պատասխան։ Յուրաքանչյուր կետի վերաբերյալ լինելու է իրավական հիմնավորում», – նշել է Գիա Վոլսկին։