Գերմանիայի գազամատակարարումը ներկայումս ապահովված է, թեև իրավիճակը լարված է, և չի բացառվում, որ իրավիճակը հետագայում էլ ավելի վատթարանա։ «Ռոյթերս» գործակալության փոխանցմամբ՝ այս մասին հայտարարել է Գերմանիայի էներգետիկ կարգավորող մարմինը՝ այն բանից հետո, երբ ռուսական «Գազպրոմ» էներգետիկ ընկերությունը երկարաձգել է «Հյուսիսային հոսք 1»-ով դեպի Եվրամիություն գազի մատակարարումների դադարեցումը։

Ռուսաստան բնական գազի մատակարարումը պետք է վերսկսվեր այսօր, սակայն ընկերությունը հայտարարել է, որ գազամատակարարումը չի կարող վերականգնվել՝ որպես պատճառ նշելով տեխնիկական անսարքությունը։

«Ռուսական կողմի վկայակոչած թերությունները տեխնիկական պատճառ չեն գործունեությունը դադարեցնելու համար»,- ասվում է գերմանական կարգավորիչի ամենօրյա զեկույցում։

«Գազպրոմ» ընկերությունը օգոստոսի 31-ին դադարեցրել է գազի մատակարարումը Եվրոպա՝ «Հյուսիսային հոսք 1» խողովակաշարի վերանորոգման աշխատանքների պատճառով։ Վերանորոգման աշխատանքները պետք է տեւեին երեք օր։