Վրաստանի ազգային վիճակագրական ծառայության տվյալներով՝ 2025 թվականի հունվար-հուլիս ամիսներին Վրաստանի ապրանքային արտաքին առևտրաշրջանառությունը (առանց ոչ դեկլարացված առևտրի) կազմել է 14 155.8 միլիոն ԱՄՆ դոլար, ինչը նախորդ տարվա նույն ժամանակահատվածի համեմատ ավելացել է 10.3 տոկոսով։

Այդ թվում արտահանման ծավալը կազմել է 3 845.1 մլն ԱՄՆ դոլար՝ աճելով 9.0 տոկոսով, իսկ ներմուծումը՝ 10 310.7 մլն ԱՄՆ դոլար՝ աճը կազմել է 10.8 տոկոս։

2025 թվականի հունվար-հուլիսին Վրաստանի առևտրի բացասական հաշվեկշիռը կազմել է 6 465.6 մլն ԱՄՆ դոլար, ինչը կազմում է արտաքին առևտրաշրջանառության 45.7 տոկոսը։

Հանձնաժողովի հաշվետվության համաձայն՝ 2025 թվականի հունվար-հուլիսին Վրաստանի արտաքին առևտրաշրջանառության 69.1 տոկոսը բաժին է ընկել տասը խոշորագույն առևտրային գործընկեր երկրներին։ Ամենախոշոր առևտրային գործընկերներն են Թուրքիան՝ 1 752.4 մլն ԱՄՆ դոլարով, ԱՄՆ-ն՝ 1 600.1 մլն ԱՄՆ դոլարով և Ռուսաստանը՝ 1 499.5 մլն ԱՄՆ դոլարով։