Վրաստանի պաշտպանության ուժերի հրամանատար, գեներալ-մայոր Գիորգի Մաթիաշվիլին այցելել է Ադրբեջանի Հանրապետություն։

Վրաստանի պաշտպանության ուժերի պատվիրակությանը ընդունել է Ադրբեջանի պաշտպանության նախարար, գեներալ-գնդապետ Զաքիր Հասանովը։ Նա շնորհակալություն է հայտնել գեներալ-մայոր Գիորգի Մաթիաշվիլիին այցի համար և ընդգծել երկու հարևան երկրների միջև սերտ գործընկերությունն ու բարեկամական հարաբերությունները։

Ուշադրություն է դարձվել տարածաշրջանում անվտանգության միջավայրի և տարածաշրջանի խաղաղ, կայուն զարգացման կարևորությանը։ Վրաստանի պաշտպանության ուժերի հրամանատարին հյուրընկալել է Ադրբեջանի պաշտպանության նախարարի առաջին տեղակալ, զինված ուժերի գլխավոր շտաբի պետ, գեներալ-գնդապետ Քերիմ Վալիևը։

Գլխավոր շտաբում դիմավորման պաշտոնական արարողությունից հետո տեղի ունեցավ գործընկերների երկկողմ հանդիպումը։ Հանդիպմանը կողմերը քննարկել են պաշտպանության ոլորտում երկկողմ և եռակողմ համագործակցությանն առնչվող հարցեր և նախանշել հետագա անելիքները։ Զրույցն անդրադարձել է միջազգային դասընթացներին համատեղ մասնակցության և ռազմական կրթության ոլորտում համագործակցության հարցերին։

Ադրբեջանի Հանրապետություն պաշտոնական այցի շրջանակներում գեներալ-մայոր Գիորգի Մաթիաշվիլին և պատվիրակության անդամները եղել են նաև մարտական ​​գործողությունների կենտրոնում, որտեղ հանդիպել են զինծառայողների հետ և ծանոթացել կենտրոնի հնարավորություններին։

Տեղեկությունը տարածում է Վրաստանի պաշտպանության նախարարությունը։