Ֆրիդրիխ Մերցը համաձայն չէ Ուկրաինայի հետպատերազմյան խաղաղության գործընթացում «եվրոպական բանակ» ներգրավելու գաղափարի հետ
Գերմանիայի կանցլեր Ֆրիդրիխ Մերցը համաձայն չէ «Եվրոպայի ժողովրդական կուսակցության» ղեկավար Մանֆրեդ Վեբերի առաջարկին՝ Ուկրաինայում պատերազմից հետո խաղաղության գործընթացում «եվրոպական բանակի» ներգրավման վերաբերյալ։ Այս մասին տեղեկացնում է «Politico»-ն։
Խորվաթիայի մայրաքաղաք Զագրեբում կայացած Ժողովրդական կուսակցության ոչ պաշտոնական գագաթնաժողովի ընթացքում ելույթ ունենալիս՝ Մերցը ողջունել է Վեբերի նախաձեռնությունները ԵՄ-ի վերակազմավորման ուղղությամբ, սակայն ընդգծել է, որ այդ գաղափարները չեն լուծում Եվրոպայի առկա խնդիրները։
«Մենք պետք է կենտրոնանանք ներկայիս խնդիրների վրա», – արձագանքել է Մերցը Վեբերի նախաձեռնությունների վերաբերյալ հարցին։
Վերջին շաբաթների ընթացքում Մանֆրեդ Վեբերը մի շարք առաջարկներով է հանդես եկել միջազգային հարթակներում՝ նպատակ ունենալով մեծացնել Եվրոպական միության ազդեցությունը։ Ուկրաինայում «Եվրոպական դրոշի» ներքո գործող զինվորներից բացի, նա նաև հանդես է եկել միասնիկ եվրոպացի առաջնորդի պաշտոնի ստեղծման նախաձեռնությամբ, որը ենթադրում է Եվրոպական խորհրդի նախագահի և Եվրոպական հանձնաժողովի նախագահի պաշտոնների միավորումը։