Ֆրիդրիխ Մերց. Եթե անդրատլանտյան հարաբերությունները քանդվեն, դա վնասակար կլինի Եվրոպայի համար և շատ բացասական ազդեցություն կունենա ԱՄՆ-ի վրա, ես կանեմ ամեն ինչ լավ անդրատլանտյան հարաբերություններ պահպանելու համար
Քրիստոնեա-դեմոկրատական միության և Քրիստոնեա-սոցիալիստական միության առաջնորդ Ֆրիդրիխ Մերցի խոսքով՝ մինչև Զատիկ Գերմանիան նոր կառավարություն կունենա։ Կանցլերի թեկնածուն ընտրություններում հաղթելուց հետո առաջին ասուլիսն է անցկացրել։
Ըստ Մերցի՝ ԱՄՆ-ից ստացվող ազդանշանները հստակ ցույց են տալիս, որ Եվրոպայի հետ համագործակցելու հետաքրքրությունն ու ցանկությունը նվազում է, թեև նա կփորձի համոզել Վաշինգտոնին, որ իրենց ձեռնտու է լավ անդրատլանտյան հարաբերություններ ունենալը, քանի որ «եթե անդրատլանտյան հարաբերությունները քանդվեն, դա վնասակար կլինի Եվրոպայի համար և շատ բացասական ազդեցություն կունենա ԱՄՆ-ի վրա»։
«Ես կանեմ ամեն ինչ, որպեսզի պահպանենք լավ անդրատլանտյան հարաբերությունները»,- ասել է Մերցը։
Բացի այդ, կանցլերի թեկնածուն վստահ է, որ չնայած ԱՄՆ-ի հետ լարվածությանը, ՆԱՏՕ-ն շարունակում է լավ գործել։
Ֆրիդրիխ Մերցի խոսքով՝ ինքը լավ զրույց է ունեցել Հյուսիսատլանտյան դաշինքի առաջնորդ Մարկ Ռյուտեի հետ, ով իր հերթին լավ անձնական հարաբերություններ ունի Դոնալդ Թրամփի հետ, և կա հնարավորություն՝ պահպանել լավ տրանսատլանտյան հարաբերություններ ԱՄՆ-ի և ՆԱՏՕ-ի միջև։