Ցանկացած խաղաղության համաձայնագրի ձեռքբերումից հետո Ուկրաինային անհրաժեշտ են հզոր զինված ուժեր և հուսալի անվտանգության երաշխիքներ։ Այս մասին հայտարարել է Գերմանիայի կանցլեր Ֆրիդրիխ Մերցը Էստոնիայի վարչապետ Քրիստեն Միխալի հետ համատեղ մամուլի ասուլիսի ժամանակ։

Մերցը հատկապես ընդգծել է, որ Կիևին չի կարելի ստիպել զիջել տարածքներ Ռուսաստանին։ Նրա խոսքով, ցանկացած բանակցության ելակետ պետք է լինի մարտի դաշտի ներկա գիծը։

Գերմանիայի կանցլերն նաև նշել է, որ թե՛ Եվրոպայի, թե՛ Ուկրաինայի անվտանգության շահերը վտանգված են, և ասել է, որ անվտանգության երաշխիքների շուրջ բանակցություններ ընթանում են ԱՄՆ-ի և Ուկրաինայի միջև։

«Մենք՝ բոլորս՝ Ուկրաինան, եվրոպացիներն ու ամերիկացիները, ուզում ենք, որ Ուկրաինայում պատերազմը վերջապես ավարտվի։ Մենք ցանկանում ենք խաղաղություն Ուկրաինայում և անվտանգություն Եվրոպայում։ Ուկրաինան կարիք ունի ուժեղ զինված ուժերի, և եթե մի օր խաղաղության համաձայնագիր ստորագրվի, որի ուղղությամբ մենք աշխատում ենք, Ուկրաինային դեռևս անհրաժեշտ կլինեն հզոր զինված ուժեր և հուսալի անվտանգության երաշխիքներ գործընկերներից», – ասել է Մերցը։

Նա նաև հավելել է․ «Ամենակարևոր անվտանգության երաշխիքը լավ զինված ուկրաինական բանակն է։ Ահա թե ինչու ենք այս հարցի շուրջ ակտիվորեն քննարկում վարում»։