Գերմանիայի կանցլեր Ֆրիդրիխ Մերցը կոչ է արել Ուկրաինայի իշխանություններին ապահովել, որ երիտասարդ քաղաքացիները ծառայեն բանակում և չլքեն իրենց հայրենիքը:

«Ուկրաինան պետք է ապահովի, որ երիտասարդ տղամարդիկ ծառայեն անվտանգ և տնտեսապես ուժեղ Ուկրաինային, այլ ոչ թե գնան Գերմանիա, Լեհաստան և Ֆրանսիա, ինչպես հիմա տեսնում ենք», – ասել է Մերցը Փարիզում «Կամավորների կոալիցիայի» հանդիպումից հետո տեղի ունեցած մամուլի ասուլիսում։

Մերցը նաև նշել է, որ Գերմանիան պատրաստ է օգնել Ուկրաինային կառուցել ուժեղ զինված ուժեր։

«Ուկրաինան պետք է ունենա զինված ուժեր, որոնք կարող են արդյունավետորեն զսպել Ռուսաստանին՝ զենքի, ուսուցման և ֆինանսավորման միջոցով։ Գերմանիան կմասնակցի հրադադարի մոնիթորինգին և կաջակցի Ուկրաինայի ամրապնդմանը ցամաքում, ծովում և օդում», – ասել է Մերցը։