Գերմանիայի կանցլեր Ֆրիդրիխ Մերցը հայտարարել է, որ վստահ չէ, թե արդյոք Ուկրաինայի համար լուծումը, որը հիմնված է Միացյալ Նահանգների կողմից առաջարկված 28 կետանոց ծրագրի վրա, կհամաձայնեցվի մինչև ԱՄՆ նախագահի կողմից սահմանված վերջնաժամկետը։

«Այսօր կիրակի է։ Նախագահ Թրամփի ծրագիրն է համաձայնության հասնել մինչև հինգշաբթի։ Մենք դեռ շատ հեռու ենք դրանից։ Դա չի նշանակում, որ դրան հասնելը լիովին անհնար է, բայց ես կասկածամիտ եմ, որ նման արդյունք հնարավոր է, հաշվի առնելով տարաձայնությունները», – ասել է Մերցը։

Գերմանիայի կանցլերը նաև նշել է, որ Ժնևում գտնվող պատվիրակությունները տեղյակ են իր առաջարկի մասին։

«Ես կցանկանայի փորձել գտնել Ռուսաստանի հետ համաձայնության առնվազն մեկ կետ ուկրաինական կողմից, որպեսզի կարողանանք ամերիկացիներին և եվրոպացիներին համաձայնեցնել», – ասել է նա։

Մերցը չի մանրամասնել, թե ինչ փոփոխություններ է առաջարկել կողմերին։