Գերմանիայի կանցլերի խոսքով՝ Իրանի կառավարության կողմից ցուցարարների նկատմամբ բռնությունը թուլության դրսևորում է։ Ֆրիդրիխ Մերցը սա նշել է Հնդկաստանի վարչապետ Նարենդրա Մոդիի հետ հանդիպման ժամանակ։

«Ես կոչ եմ անում Իրանի կառավարությանը պաշտպանել իր քաղաքացիներին՝ նրանց սպառնալու փոխարեն։ Մենք ամենախիստ կերպով դատապարտում ենք Թեհրանի ղեկավարության կողմից սեփական ժողովրդի նկատմամբ կիրառվող բռնությունը։ Բռնությունը ուժի նշան չէ, այլ թուլության։ Բռնությունը պետք է դադարեցվի», – ասել է Մերցը։

Ֆրիդրիխ Մերցը նաև ասել է, որ վերջին երկու շաբաթների ընթացքում ավելի ու ավելի շատ մարդիկ են խաղաղ դուրս եկել Իրանի փողոցներ՝ պահանջելով ազատություն և ավելի լավ կյանք։

«Այս մարդիկ արժանի են ամենամեծ հարգանքի իրենց քաջության համար՝ Իրանի անվտանգության ուժերի անհամաչափ, դաժան բռնության դեմ պայքարում», – ասել է Գերմանիայի կանցլերը։