Ֆրանսիայում գործադուլի պատճառով չեղարկվել է մինչև 1,000 չվերթ
Ֆրանսիայում շարունակվում է ավիացիոն երթևեկության դիսպետչերների երկօրյա գործադուլը։
Գործադուլի պատճառով գրեթե 1,000 թռիչք է չեղարկվել, այդ թվում՝ չվերթների մոտ քառորդը՝ Փարիզի երկու օդանավակայաններում։
Ֆրանսիայի վարչապետ Ֆրանսուա Բայրուն հայտարարել է, որ դիսպետչերները «ֆրանսիացիներին պատանդ են վերցրել»։
Արձակուրդային սեզոնի ժամանակ գործադուլը խստորեն քննադատել է երկրի տրանսպորտի նախարար Ֆիլիպ Տաբարոն։
«Մեր երկրում 272 մարդ որոշում է ավելի քան կես միլիոն մարդու բարօրությունը։ Սա անընդունելի է», – նշել է Տաբարոն։
Երկօրյա գործադուլը կազմակերպել են օդային երթևեկության դիսպետչերների երկու արհմիություններ։ Նրանք պահանջում են աշխատանքային պայմանների բարելավում և դժգոհ են կադրերի պակասից։