Ֆրանսիայում բողոքի ցույցեր են ընթանում, ոստիկանությունը արցունքաբեր գազ է կիրառել ցուցարարներին ցրելու համար, իսկ երկրի տարբեր քաղաքներում բողոքի ցույցերի ժամանակ ձերբակալվել է 23 մարդ
Ֆրանսիայում բողոքի ցույցեր են ընթանում։ Ցույցի մասնակիցների թվում են «դեղին բաճկոնավորներ» շարժման անդամներ, ուսանողներ, արհմիությունների և մարդու իրավունքների կազմակերպությունների ներկայացուցիչներ։
Փարիզում շարունակվող ցույցին մասնակցում է մի քանի հազար մարդ։ Փարիզի մետրոյի 21 կայարան փակվել է ցույցերի պատճառով։
Ֆրանսիայի Ներքին գործերի նախարարության տվյալներով՝ այս փուլում ամբողջ երկրում իրավիճակը հանգիստ է և վերահսկվող։ Մինչ օրս ձերբակալվել է 23 մարդ։
Նանտում, չնայած քաղաքի կենտրոնում հավաքների արգելքին, հավաքվել է մի քանի հարյուր մարդ։ Ցույցը սկսվել է խաղաղ, չնայած տեղում մոբիլիզացվել են ոստիկանության և հատուկ նշանակության ուժերի ներկայացուցիչներ, որոնք բազմիցս կոչ են արել հավաքվածներին ցրվել։
Ավելի ուշ իրավապահ մարմինները արցունքաբեր գազ են օգտագործել ցուցարարներին ցրելու համար։