Fox News. ԱՄՆ ռազմածովային ուժերը Բահրեյնում անձնակազմը կրճատել են մինչև «կրիտիկական մակարդակի»՝ Իրանին հնարավոր հարվածներից առաջ
ԱՄՆ ռազմածովային ուժերը Բահրեյնում անձնակազմի թիվը կրճատում են մինչև «կրիտիկական մակարդակի»՝ Իրանին հնարավոր հարվածներից առաջ,- հաղորդում է Fox News-ը՝ հղում անելով մի քանի բարձրաստիճան ամերիկացի պաշտոնյաների։
Նրանց խոսքով՝ օբյեկտում անձնակազմի թիվն այժմ 100-ից պակաս է։
Հրապարակումը գրում է, որ «Կեսգիշերային մուրճ» գործողության մեկնարկից առաջ, որի ընթացքում ԱՄՆ-ն հարվածեց Իրանի միջուկային օբյեկտներին, 5-րդ նավատորմի շտաբից տարհանումը կատարվել է նմանատիպ եղանակով։
Fox News-ի փոխանցմամբ՝ վերջին շաբաթներին ԱՄՆ-ն մեծացնում է ռազմական ակտիվությունը Մերձավոր Արևելքում, քանի որ Թեհրանի միջուկային ծրագրի ապագայի շուրջ ԱՄՆ-ի և Իրանի միջև բանակցությունները կարող են ապարդյուն ավարտվել։