Ֆինլանդիայի նախագահ Ալեքսանդր Ստաբը հույս ունի, որ ԱՄՆ նախագահ Դոնալդ Թրամփի համբերությունը Ռուսաստանի նկատմամբ կսպառվի։

Ինչպես հաղորդում է Ֆինլանդիայի հանրային հեռարձակողը, Ստաբը այս մասին ասել է դեսպանների օրվան նվիրված իր ելույթում։

«Մենք կանենք ամեն ինչ, որպեսզի հասնենք երկարատև խաղաղության։ Մենք կանենք ամեն ինչ, որպեսզի Ուկրաինան պահպանի իր ինքնությունն ու տարածքային ամբողջականությունը որքան հնարավոր է», – ասել է Ֆինլանդիայի առաջնորդը։

Ստաբի խոսքով՝ Ռուսաստանի նախագահ Վլադիմիր Պուտինին խաղաղության համաձայնագրի հասնելուն ստիպելու միակ միջոցը մաքսատուրքեր սահմանելն է այն երկրների համար, որոնք շարունակում են առևտուր անել Ռուսաստանի հետ կամ աջակցել Ռուսաստանի ռազմական արդյունաբերությանը։ Նրա խոսքով՝ նրանք, ովքեր կարող են Պուտինին խաղաղություն կնքել ստիպել, ավելի շատ Արևելքում են, քան Արևմուտքում։

Ստաբի խոսքով՝ Ուկրաինայում պատերազմի կարգավորումը Ֆինլանդիայի արտաքին և պաշտպանական քաղաքականության ամենակարևոր հարցերից մեկն է։ Ինչպես նա նշել է, բոլոր ջանքերը պետք է ուղղված լինեն դաշնակիցների հետ միասին՝ ապահովելու համար, որ Ուկրաինան ունենա հնարավորինս ամուր դիրք խաղաղության բանակցություններում։ Նրա կարծիքով՝ այս գործընթացի կարևոր մասը անվտանգության երաշխիքներն են։

«Պատերազմում իդեալական արդյունքներ չկան», – նշել է Ֆինլանդիայի նախագահը։