Ֆինլանդիան կեսգիշերից կփակի սահմանը ռուս զբոսաշրջիկների համար։ Համապատասխան որոշումը մամուլի ասուլիսում հայտարարեցին արտաքին գործերի նախարարը, ներքին գործերի նախարարը և սահմանային վերահսկողության ծառայության ղեկավարները։
Ինչպես հայտարարել է ԱԳ նախարար Պեկկա Հաավիստոն, ռուսների հոսքը երկիր համարվում է որպես սպառնալիք Ֆինլանդիայի միջազգային հարաբերություններին։
Կառավարության անդամների խոսքով, Ռուսաստանից Ֆինլանդիա մտերիմների հետ, ինչպես նաև աշխատանքի և ուսման նպատակով դեռ կթույլատրվի գալ։
Ֆինլանդիայի կառավարությունը կարծում է, որ ռուս զբոսաշրջիկների համար սահմանի փակումը զգալիորեն կնվազեցնի հոսքը սահմանով։