Ֆիլիպինների ափերի մոտ նավ է խորտակվել. կա առնվազն 4 զոհ
16:04, 21.12.2017
Այսօր Ֆիլիպինների ափերի մոտ 251 ուղևոր տեղափոխող նավ է խորտակվել:
ֆիլիպինյան Կեսոն նահանգի առափնյա փրկարար ծառայության աշխատակիցներն ուղարկել են Mercraft 3 նավի հետ կապված միջադեպի մասին առաջին հաղորդագրությունը:
«Նախնական տվյալների համաձայն՝ այս նավի առավելագույն տարողությունը 286 ուղևոր է, իսկ հաղորդագրությունների համաձայն՝ այնտեղ եղել է 251 մարդ», – հայտնում է առափնյա փրկարար ծառայության ներկայացուցիչը:
Միջադեպի պատճառները դեռ չեն պարզվել: Դեպքի վայրում որոնողա-փրկարարական գործողություն է իրականացվում, որի արդյունքում արդեն փրկվել է 166 մարդ և հայտնաբերվել 4 դի։
