13 տարի է անցել այն օրվանից, երբ Ռուսաստանը ներխուժեց Վրաստան, որտեղ ռուսական օկուպացիոն ուժերը ներգրավված են անօրինական ռազմական զորահավաքին և սահմանազատմանը, առեւանգում են մարդկանց ու ապօրինի կալանավորում, շարունակում են արգելափակել օկուպացիոն գիծը,- ասել է էստոնացի եվրապատգամավոր Ուրմաս Պաետը Եվրախորհրդարանում բանավեճի ժամանակ, որտեղ քննարկվում էր ԵՄ-Ռուսաստան հարաբերությունների ռազմավարությունը:

Նրա խոսքով, Ռուսաստանը պետք է դադարեցնի անօրինական գործողությունները:

«Երբ խոսում ենք ԵՄ-Ռուսաստան հարաբերությունների մասին, չպետք է մոռանալ Ուկրաինայի, Վրաստանի եւ Մոլդովայի հակամարտությունները: Օրինակ, անցել է 13 տարի այն օրվանից, երբ Ռուսաստանը ներխուժեց Վրաստան, որտեղ ռուսական օկուպացիոն ուժերը ներգրավված են անօրինական ռազմական զորահավաքին և սահմանազատմանը, առեւանգում են մարդկանց ու ապօրինի կալանավորում, շարունակում են արգելափակել օկուպացիոն գիծը:

Ռուսաստանը պետք է դադարեցնի իր անօրինական գործողությունները, որոնք ուղղված են ոչ միայն Վրաստանի, այլև Ուկրաինայի և Մոլդովայի տարածքային ամբողջականության դեմ, և կատարի այդ երկրներից իր զորքերը դուրս բերելու միջազգային պարտավորությունը: ԵՄ-ն պետք է հստակ ուղերձ հղի Ռուսաստանին, որ իր քաղաքականությունը Ռուսաստանի նկատմամբ չի փոխի, եթե Մոսկվան չհարգի միջազգային իրավունքները, և Վրաստանը, Մոլդովան և Ուկրաինան չվերականգնեն տարածքային ամբողջականությունը իրենց միջազգայնորեն ճանաչված սահմաններում», – ասաց Ուրմաս Պաետին: