Էնթոնի Բլինկենն ասում է, որ Օբամայի վարչակազմը քննարկել է Իրանին ռազմական հարված հասցնելու հարցը, բայց որոշել է, որ դա լավագույն տարբերակը չէ

20:31, 15.05.2026

ԱՄՆ նախկին պետքարտուղար Էնթոնի Բլինկենը նշում է, որ Բարաք Օբամայի վարչակազմը նույնպես քննարկել է Իրանի դեմ ռազմական գործողությունների հարցը։ Էնթոնի Բլինկենն այս հայտարարությունն արել է Լեո Բեք համալսարանում կայացած միջոցառման ժամանակ, որին մասնակցել է նաև Գերմանիայի նախկին կանցլեր Օլաֆ Շոլցը։

Ըստ Բլինկենի՝ Իրանի դեմ ռազմական հարձակումը լավագույն տարբերակը չէ։

«Եթե վերադառնանք Օբամայի վարչակազմին, մենք շատ ուշադիր քննարկել ենք ռազմական տարբերակը, բայց եզրակացրել ենք, որ այն պատճառներով, որոնք տեսնում ենք հիմա, դա լավագույն տարբերակը չէր», – ասել է Բլինկենը։

Տեղեկատվության համար՝ Էնթոնի Բլինկենը ծառայել է որպես ԱՄՆ պետքարտուղար Ջո Բայդենի նախագահության օրոք։

Հեղինակ - Anna Badalian

Միջազգային