Ֆրանսիայի նախագահ Էմանուել Մակրոնը չի բացառել Ռուսաստանի նախագահ Վլադիմիր Պուտինի հետ հեռախոսազրույցը առաջիկա շաբաթներին։ Ֆրանսիայի նախագահն այս մասին ասել է France 2-ին տված հարցազրույցում։

Ֆրանսիայի նախագահի խոսքով՝ նա այժմ աշխատում է Պուտինի հետ հեռախոսազրույց կազմակերպելու ուղղությամբ։ Լրագրողների հետ զրույցում Մակրոնը նշել է, որ իր նպատակը Ուկրաինայում խաղաղության հասնելն է, բայց ոչ կապիտուլյացիայի գնով։

«Կարճաժամկետ հեռանկարում մենք պետք է շարունակենք աջակցել Ուկրաինային նրա պաշտպանական ջանքերի շրջանակներում։ Ահա թե ինչ ենք մենք անում։ Մենք չենք ուզում, որ այս խաղաղությունը լինի Ուկրաինայի կապիտուլյացիա», – ասել է Ֆրանսիայի առաջնորդը։

Տեղեկատվության համար, Էմանուել Մակրոնը դեկտեմբերի 19-ին հայտարարել է, որ անհրաժեշտ է գտնել ուղիներ, որպեսզի եվրոպացիները «վերսկսեն երկխոսությունը Ռուսաստանի հետ՝ թափանցիկ եղանակով և Ուկրաինայի հետ համագործակցությամբ»։ Կրեմլի խոսնակ Դմիտրի Պեսկովը հայտարարել է, որ Վլադիմիր Պուտինը պատրաստ է երկխոսության Էմանուել Մակրոնի հետ, «եթե դրա համար քաղաքական կամք լինի»։