Էմանուել Մակրոն. Մենք պետք է պատրաստվենք երկարատև պատերազմի
Մենք պետք է պատրաստվենք երկար պատերազմի,- ասել է Ֆրանսիայի նախագահ Էմանուել Մակրոնը՝ դիվանագիտական կորպուսի առջև ունեցած իր ելույթում։
Ֆրանսիացի առաջնորդի կարծիքով՝ Եվրոպան պետք է կազմակերպված լինի էներգետիկ և պարենային առումով։
«Մենք պետք է պատրաստվենք երկարատեւ պատերազմի, իսկ դրա համար պետք է կազմակերպված լինենք ազգային ու եվրոպական մակարդակով, հատկապես երբ խոսքը վերաբերում է էներգետիկայի, սննդի եւ շատ այլ հարցերի։ Սակայն պարզ է, որ այս երկարատեւ պատերազմի պայմաններում մենք պետք է աշխատենք խուսափել էսկալացիայից եւ խաղաղություն հաստատենք»,- ասել է Էմանուել Մակրոնը։
Մակրոնի խոսքով՝ ինքը կշարունակի երկխոսությունը Ռուսաստանի հետ՝ ուկրաինական հակամարտության սրումից խուսափելու համար, սակայն, միաժամանակ, հաստատել է Ուկրաինային իր անսասան աջակցությունը։
«Ֆրանսիան կշարունակի բանակցությունները Ռուսաստանի հետ։ Ո՞վ է ցանկանում, որ Թուրքիան աշխարհում միակ պետությունը լինի, որը շարունակում է խոսել Ռուսաստանի հետ»,- նշել է Մակրոնը:
Էմանուել Մակրոնի խոսքով՝ Ֆրանսիան կշարունակի երկարաժամկետ տնտեսական, ռազմական և հումանիտար աջակցություն ցուցաբերել Կիևին, սակայն նա նշել է, որ Ռուսաստանի առաջ ծառացած հիմնական մարտահրավերներից մեկը լինելու է եվրոպական միասնության ապահովումը։
«Եվրոպական միասնությունը առանցքային է, քանի որ պառակտումը Ռուսաստանի պատերազմի նպատակներից մեկն է»,- ասել է Էմանուել Մակրոնը։