Մենք ծաղիկներ ենք բերել, որպեսզի բաժանենք ազատության երթի մասնակիցներին և ասենք, որ մենք դրական մարդիկ ենք,- Հանրապետության հրապարակում ասել է «Թափանցիկություն Վրաստան»-ի ղեկավար Էկա Գիգաուրին։

Գիգաուրիի խոսքով՝ երթն անցկացվում է ի պատիվ այն մարդկանց, ովքեր իրենց կյանքը զոհաբերել են երկրի անկախության համար։

«Այս ծաղիկները բերել ենք, որ բաժանենք ազատության երթի մասնակիցներին ու ասենք, որ մենք դրական, ազատամարտիկ մարդիկ ենք։ Մենք այս երթն ենք անցկացնում՝ հարգելու այն մարդկանց, ովքեր իրենց կյանքը տվել են այս երկրի անկախության և ազատության համար։ Պետք է բոլորին իմացնենք, որ այս պայքարը չի ավարտվել։ Ազատության համար պայքարը ծանր է, բայց մենք հաղթելու ենք։ Սա շատ կարևոր է»,- ասել է Էկա Գիգաուրին։

Հանրապետության հրապարակից Վրաստանի խորհրդարանի ուղղությամբ ընթանում է ազատության երթ։ Հանրահավաքի մասնակիցները բողոքում են «Օտարերկրյա ազդեցության թափանցիկության մասին» օրենքի նախագծի դեմ։