Ըստ ՊԱԾ-ի, օկուպացիոն ուժերի ներկայացուցիչները Փլավիսմանիի մոտ ապօրինաբար ձերբակալել են Վրաստանի երեք քաղաքացու, որոնցից մեկն ազատ է արձակվել, իսկ երկուսը շարունակում են մնալ անօրինական կալանքի տակ
Ռուսական օկուպացիոն ուժերի ներկայացուցիչները Գորիի մունիցիպալիտետի Փլավիսմանի գյուղի մոտ ապօրինաբար ձերբակալել են Վրաստանի երեք քաղաքացու։ Նրանցից մեկն արդեն ազատ է արձակվել մարտի 11-ին և գտնվում է կենտրոնական իշխանության կողմից վերահսկվող տարածքում, իսկ երկուսը շարունակում են մնալ անօրինական կալանքի տակ։ Այս մասին հայտնում է Պետական անվտանգության ծառայությունը։
Ըստ նրանց՝ Պետական անվտանգության ծառայությունը դեպքի մասին տեղեկություն ստանալուն պես ակտիվացրել է թեժ գիծ՝ Եվրամիության դիտորդական առաքելության ներգրավմամբ։
«Տեղեկությունն անմիջապես փոխանցվել է Ժնևի միջազգային քննարկումների համանախագահներին և միջազգային գործընկերներին»։
Գործի են դրվել բոլոր գործող մեխանիզմները՝ ապօրինի ձերբակալված Վրաստանի քաղաքացիներին հնարավորինս արագ ազատ արձակելու համար։
«Օկուպացիոն տերությունը պատասխանատվություն է կրում Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր ավերիչ գործողությունների համար»,- ասված է ՊԱԾ-ի հաղորդագրությունում։
