Ըստ լրատվամիջոցների՝ պայթյուններ են հնչել Բելառուսի «Զյաբրովկա» օդանավակայանում

Բելառուսի «Զյաբրովկա» օդանավակայանում պայթյունների ձայներ են լսվել: Տարբեր տեղեկությունների համաձայն՝ չորսից ութ պայթյուն է եղել։

Օդանավակայանը գտնվում է ուկրաինական սահմանի մոտ՝ բելառուսական Գոմել քաղաքի մերձակայքում։

Ուկրաինայի զինված ուժերը անցյալ ամիս հայտարարեցին, որ օդանավակայանը գտնվում է ռուսների վերահսկողության տակ։

Բելառուսի պաշտպանության նախարարությունը միջադեպի առնչությամբ նշում է, որ բռնկումը տեղի է ունեցել տեխնիկայի շարժիչի փոխարինման ժամանակ։